மரம் முறிந்து வீழ்ந்ததால் போக்குவரத்து பாதிப்பு

ஹட்டன் – மஸ்கெலியா பிரதான வீதியில் பாரிய மரமொன்று முறிந்து விழுந்ததால் போக்குவரத்து பாதிக்கப்பட்டது.

தொடரும் சீரற்ற காலநிலை காரணமாக குறித்த சம்பவம் இன்று (06) காலை 7:00 மணியளவில் நோர்வூட் ஓல்டன் பகுதியில் உள்ள பிரதான வீதியில் இடம்பெற்றுள்ளது.

பிரதேச மக்கள், நோர்வூட் வீதி அபிவிருத்தி அதிகாரசபையின் அதிகாரிகள் மற்றும் நோர்வூட் பொலிஸ் அதிகாரிகள் இணைந்து விழுந்த மரத்தை வெட்டி அகற்றிய பின் போக்குவரத்து வழமைக்கு கொண்டுவரப்பட்டுள்ளது. 

மேலும் இப்பகுதியில் முறிந்து விழும் நிலையில் அதிக மரங்கள் காணப்படுவதாக பொது மக்கள் தெரிவிக்கின்றனர் .